فيات127

ازاى تعدل عربيتك فيات127

مبدأيا قبل تعديل العربية لازم تخدم العربية

يعنى ايه تخدم العربية ؟

يعنى لازم تتاكد من ان الزيوت بتتغير بشكل دورى مظبوط

لو انت مركب فتيس short shifter ودا غالبا بيستخدم فى سباقات ال autocross   تبقى محتاج تغير زيت وفيلتر زيت الفتيس بشكل دورى و مظبوط

يعنى لازم تتاكد من السيور انها مش مشددوة او مريحه يعنى واخده الرجلاش الصح

يعنى لازم تتاكد من الكاوتش واخد النيتروجين او الهوا (الضغط المناسب) لانك لازم تعرف ان دا له تاثير على  عمر الكاوتش و اقتصادية الوقود

الكهرباء والبوجيهات تتاكد من ان انت مركب البوجيهات المناسبة للموتور

 

بالنسبة للتعديل

انت مش محتاج تسقط مكنة القدرة الحصانية اقوى من العربيه هوا ينفع بس هيضعف العربية حتى لو انت مركب شدادات فوق وتحت

بالنسبة للفيات127 اعتقد مناسب ليها مكنة متزدتش عن 1600cc  وطبعا هتركب شدادت فوق وتحت

فلتر الهواء الرياضى (عيش الغراب) بيساعدك انك تتدخل كمية هواء للموتور اكتركدا العربية هتزيد سرعتها او بمعنى ادق هترفع القدرة الحصانية عن العادى بس هتستهلك وقود اكتر من العادى

البوجيهات والاسلاك الرياضية ودى هتساعد وتحافظ على اداء الموتور من ناحية احتراق الوقود داخل السلندر البعض بيعتقد انها بترفع اداء المحرك وهذا اعتقاد حاطئ وفى انواع منها كتيير اشهرها سبليت فاير

العفشة الرياضيه

لو انت بتحب تهبط العربية عشان الثبات على السرعات العاليه و الشكل الرياضى يبقى هتركب عفشة رياضية فى انواع كتيير اشهرهم KONI , Bilstein , D2 Racing  وطبعا يفضل متشتريش عفشة استيراد خصوصا المساعدين لانها بنسبة كبير مش مضمونه

 

الكاوتش و الجنوط

ال 127 المقاس الافتراضى او ال stock  بتاع العربية هوا جنط 13 على كاوتش 135/80 طبعا يركب عليها مقاسات اعرض بس لازم يبقى فى نسبه وتناسب مابين العفشة الرياضيه و الكاوتش يعنى لو هتهبط يبقى هتعرض لان الstability او الثبات بتاع العربية ليه حسابات تانيه

[gallery columns="2" size="full" link="file" ids="2138,2139,2140,2144,2145,2146,2147,2141"]