المميزات والكماليات و الفئات

اللى انت بتختارها بتحدد جزء كبير من قرار شراء عربية جديدة لو انت بتشترى عربية جديدة

او معندكش خبره بموضوع المميزات والكماليات مش هتعرف تفرق بين الفئات المتاحة.

فى المقالة دى هتعرف ازاى تفرق بين الفئات المختلفة ودى هتساعدك انك تاخد قرار سهل

 قبل ما نتكلم عن الفئات و الكماليات

لازم تعرف ان كل ماركة او مصنع للسيارات زى شيفروليه و هوندا و تويوتا كمثال

بيبقى عنده موديلات زى لانوس وسيفيك وكورولا كل موديل بيبقى ليه فئة الفئات دى ممكن تختلف من شركه لشركه او من مصنع لمصنع

بالنسبة للفئات اللى بتحدد الفئة هى مجموعة الخيارات و الكماليات كمثال GT / DX / GLE / GL / L / LX / EX

الحروف دى ليها معنى اكيد EX اختصار extra او executive  فى معظم العربيات بتبقى كاملة

luxuray LX 

base L

grand level or grand luxe GL

grand level extra GLE

deluxe DX

gran turismo or grand touring GT

و طبعا لازم تفرق بين فئة السيارة من ناحية الكماليات و فئة السيارة بشكل عام كمثال سيدان - كوبيه - مكشوفة كروس - متعددة الاغراض - رياضيه - عائليه - هاتشباك

وعشان يبقى الموضوع سهل عليك موقع وش سلندر هيساعدك انك تعرف الفئة من خلال نبذه مختصره عن بعض الموديلات المتادوله و الموجوده فى السوق المصرى

الخيارات او options

بتبقى زى فتحة السقف sunroof  او stereo  و ال sound system معظم الخيارات بتيجى مع العربية اما باقى الخيارات انت ممكن تحددها مع الموزع وهوا يطلبها من المصنع او التوكيل

مجموعة الخيارات او ال Packages

بعض الشركات بتوفر للعملاء انهم يعملوا special orders / customized orders و يحددوا مجموعة من الخيارات bundle

كمثال ممكن عميل يطلب بلوتوث و جى بى اس وزينون

بالنسبة لمجموعة السيارات الفاخرة والفارهة انت ممكن تختار الكراسي تكون فيها نظام تدفئه او نظام تدليك

اخر حاجه هيا الاكسسوارات

زى الجنوط مثلا

انت ممكن هنا تقارن وتشوف سعر الاكسسوارات لو انت هتركبها برا التوكيل هتكلف كام ومعظم العملاء بتشترى الاكسسوارات من محلات الاكسسوارات اللى متاحة فى السوق او كمان ممكن تشتريها اونلاين

فى النهايه

انت كده هتقدر تحدد المميزات والكماليات و الفئات اللى انت محتاجها و هتدفع كام بالتالى انت هتختار العربية الى تناسب احتياجك .