مساحة اعلانية
ازاى تشترى عربية جديدةقرار شراء عربية جديدة هو عباره عن نتيجه مجموعه من الخطوات و القرارت اللى انت بتحددها بناء على احتياجك للعربية
اول سؤال ممكن تسأله لنفسك انت محتاج ايه ؟ هل انت محتاج عربيه شبابيه او عائليه عاليه عن الارض ولا مواصفات رياضيه معظمنا بيبدأ يدور على عربية بناء على الbudget او الفلوس اللى معاه بتبدأ تتدور على العربيات اللى فى نفس السعر او تكون قريبه من المبلغ اللى تقدر عليه .
الخطوات اللى تقدر تمشى عليها وانت بتفكر تشترى عربية جديدة هتكون كالتالى
تحدد انت محتاج اية
كمثال
لازم تحدد انت بتدور على فئه معينه يعنى لو بنت لسه بمتعلمه السواقه جديد يبقى تختار فئه الهاتشباك وطبعا دى حاجه منطقيه لو واحد متجوز وعنده 3 اطفال يبقى دا محتاج عربيه عائليه مثلا زى كيا كارينز وهكذا
كدا تبقى انت بتدور على اساس احتياجك مش على اساس فلوسك
تجميع المعلومات
مرحلة تجميع المعلومات عن العربيه او الفئه او الماركه اللى انت بتدور عليها
- معلومات عن السعر
- و المواصفات الفنية
- معايير السلامه و الامان
- و المزايا و العيوب
- الضمان
- خدمات ما بعد البيع
- ومراكز الخدمه
- واسعار قطع الغيار
واكيد اسرع واسهل طريقة توصل بيها للمعلومات هيا الانترنت المواقع المشهوره كونتكت كارز و موقع هتلاقى وطبعا مجلة وش سلندر تقدر تاخد feedback و review عن العربية اللى قررت انك تشتريها او انك تسال مجرب ..حد تعرفه جرب العربية ولو فى امكانيه انك تجربها وتعرف اكتر عنها بعد كدا مرحله
تقييم البدائل
كدا انت وصلت لنص الطريق بعد ما حددت انت محتاج ايه وجمعت معلومات دلوقتى هتختار ما بين عده بدائل وطبعا هيبقى فى تقارب بين البدائل يعنى ممكن تكون بتقارن بين هيونداى فيرنا وشيفروليه لانوس او بتقارن بين كيا بيكانتو او هيونداى i10 المواصفات متقاربه بشكل كبير طبعا انت هتشوف المميزات انهى عربيه فيهم مناسبه لحتياجك وهترضى زوقك
قرار الشراء
هتجهز فلوسك عشان تشترى او هتاخد قرض سيارة او هتشترى تقسيط او اى طريقة تانية هتكون مناسبة ليك انت رايح تشترى العربية وقررت انت هتشترى عربية معينه بناء على المعلومات و المقارنات اللى انت عملتها .
هتبدأ تدور على موزع او معرض او هتنزل تشترى من التوكيل علطول
اخر حاجه هيبقى تقييم قرار الشراء ودا بيبقى نتيجه استخدامك للعربية هتبدأ تسأل نفسك شويه اسئله
هل العربية دى بتلبى احتياجاتى ورغباتى ؟
هل انا اخترت صح ؟
واحيانا بتبدأ تبرر لنفسك القرار اللى انت اخدته لان معظم قرارات الشراء بتبقى عاطفيه وليست عقلانيه
مساحة اعلانية